1. MALINIS NA PAMAMAHALA SA SIYUDAD NG SAN FERNANDO , ISINUSULONG NG IBAT IBANG SEKTOR
NANGAKO NG SUPORTA ANG IBAT IBANG GRUPO MULA SA SIYUDAD NG SAN FERNANDO NA TUTULONG SILA SA KAMPANYA NG LOKAL NA PAMAHALAAN TUNGO SA PAGKAKAROON NG MAAYOS AT MALINIS NA PAMAMALAKAD SA NATURANG SIYUDAD.
HANDA UMANONG MAKIPAGTULUNGAN ANG MGA SEKTOR UPANG MAISUGURO ANG TAGUMPAY NG MGA PROYEKTO SA KANILANG SIYUDAD.
SINABI NAMAN NI OSCAR RODRIGUEZ, ALKALDE NG SIYUDAD SAN FERNANDO NA NAGSISILBING INSPIRASYON NG LOKAL NA PAMAHALAAN ANG BAWAT GRUPO NA NAGNANAIS NG PAGBABAGO UPANG MAABOT ANG HINAHANGAND NA TAGUMPAY.
IDINAGDAG PA NI RODRIGUEZ NA HINDI NAGING MADALI ANG SIMULA NG TAGUMPAY NG SIYUDAD SAN FERNANDO .
2. PUBLIC EMPLYMENT SERVICE OFFICE NG SIYUDAD NG ANGELES, PINARANGALAN!
PINAPURIHAN NI ANGELES CITY MAYOR FRANCIS BLUEBOY NEPOMUCENO ANG PUBLIC EMPLOYMENT SERVICE OFFICE NG KANILANG SIYUDAD MATAPOS PARANGALAN NG DEPARTMENT OF LABOR ANG EMPLOYMENT.
SINABI NI NEPOMUCENO NA ITO NA ANG PANGATLONG PAGKAKATAON KUNG SAAN NAHIRANG SILA BILANG BEST PUBLIC EMPLOYMENT SERVICE SA KATEGORYA NG HIGHLY UNRBANIZED CITY.
NAGING BATAYAN SA PAGBIBIGAY NG NATURANG KARANGALAN, ANG MGA PROYEKTONG IPINATUPAD KUNG SAAN MARAMI SA MGA APLIKANTENG MAMAMAYAN NITO ANG NAGKAROON NG TRABAHO.
TINATAYANG UMABOT SA LABING ISANG LIBO APAT NA DAAN AT WALO ANG BILANG NG MGA NATULUNGAN NG SIYUDAD ANGELES SA IBAT IBANG KUMPANYA DITO AT MAGING SA IBAYONG DAGAT.
3. CARNAP NA PUTING STAREX VAN, NAREKOBER SA MGA KARNAPER!
MUNTIK NG MAKIPAGBARILAN ANG MGA OPERATIBA NG ANGELES CITY POLICE OFFICE SA MGA KARNAPER KAUGNAY NG ANTI-CARNAPPING OPERATION SA BARANGAY CALIBUTBUT SA BAYAN NG BACOLOR.
AYON KAY CHIEF INSPECTOR RENE ASPE, LUMARGA ANG KANIYANG MGA TAUHAN UPANG TUGISIN ANG MGA RESPONSABLE SA PAGKAWALA NG PUTING STAREX VAN NA NAKAPARADA UMANO SA HARAP NG ISANG CANTEEN SA BARANGAY STO. ROSARIO SA SIYUDAD NG ANGELES.
NAMATAAN UMANO ANG NATURANG VAN SAKAY ANG APAT NA HINDI NAKILALANG MGA SUSPEK NA ARMADO NG MATAAS NA KALIBRE NG BARIL SA BARANGAY CALIBUTBUT SA BAYAN NG BACOLOR KUNG SAAN TINUGIS SILA NG MGA OPERATIBA.
INIWAN UMANO ANG MGA NATURANG VAN NG MAPANSIN NILA NA BINUBUNTUTAN SILA NG MGA OTORIDAD AT SUMAKAY SA ISANG SASAKYAN NA GINAMIT NILA SA KANILANG PAGTAKAS.
4. BALITANG IBAYONG DAGAT
ITALIAN PM, NAG-SORRY MATAPOS 'DI MAPANSIN ANG BARRIER SA ISRAEL AT PALESTINE
HUMINGI NG PAUMANHIN SI ITALIAN PRIME MINISTER SILVIO BERLUSCONI SA MGA PALESTININANS MATAPOS NA HINDI MAPANSIN ANG BARRIER SA PAGITAN NG ISRAEL AT PALESTINE .
AYON KAY BERLUSCONI, LUMILIPAD ANG KANYANG ISIP DAHIL ABALA ITO SA PAG-IISIP KUNG ANO ANG SASABIHIN KAY PALESTINIAN PRESIDENT MAHMOUD ABBAS SA NAKATAKDA NILANG PRESS CONFERENCE.
LAYUNIN NG NATURANG BARRIER NA MAPROTEKSYUNANAN ANG ISRAEL SA MGA ARMADONG MILITANTE NG PALESTINE GAYUNDIN SA MGA SUICIDE BOMBERS NA MAKATAWID AT UMATAKE SA KANILANG BANSA MULA SA WEST BANK.
SAMANTALA, MATATANDAANG NA-OSPITAL SI BERLUSCONI MATAPOS NA ATAKEHIN NG ISANG MAY PROBLEMA SA PAG-IISIP KUNG SAAN NABASAG ANG KANYANG ILONG AT PUMUTOK ANG LABI NITO NANG BATUHIN NG ISANG MATIGAS NABAGAY.
5. BALITANG SHOWBIZ
ARRAIGNMENT NG DOKTOR NI MICHAEL JACKSON, NAKATAKDA SA IKA-LIMA NG PEBRERO
NAKATAKDA SA ARAW NG BUKAS ANG ARRAIGNMENT
SA PAGITAN NG REPRESENTANTE NG KING OF POP AT DOKTOR NITONG SI DR. CONRAD MURRAY.
GAGANAPIN ANG ARRAIGNMENT SA COURTHOUSE NA MALAPIT SA LOS ANGELES INTERNATIONAL AIRPORT.
TUMANGGI NAMAN ANG MGA PROSEKYUTOR NA SABIHIN KUNG PORMAL NANG SASAMPAHAN NG KASO SI MURRAY.
UNA NG NAIULAT NA KASONG INVOLUNTARY MANSLAUGHTER ANG HAHARAPIN NI MURRAY MATAPOS NA MAKOMPLETO ANG PAG-IIMBESTIGA SA PAGKAMATAY NI MICHAEL JACKSON.
6. BALITANG PALAKASAN
GOLFER TOM WATSON, KINOMPARA ANG SARILI KAY TIGER WOODS
KINOMPARA NG PRO GOLFER NA SI TOM WATSON ANG SARILI NITO KAY GOLF LEGEND TIGER WOODS.
AYON KAY WATSON, KUNG SIYA ANG NAKARARANAS NG SITWASYON NGAYON NI WOODS AY MAGPAPATAWAG ITO MISMO NG INTERVIEW UPANG AMININ ANG PAGKAKAMALI AT GAYUNDIN ANG PAGHAYAG NA ILALAGAY SA AYOS ANG LAHAT.
PARA KAY WATSON, DAPAT UMANONG AYUSIN NI WOODS ANG SARILI SA LALONG MADALING PANAHON UPANG MABIGYAN NG RESPETO ANG KANYANG KINAGIGILIWANG SPORT GAYUNDIN ANG PAG-IDOLO SA KANYA NG MGA TAO.
PINAKAHULING BALITA SA GOLF LEGEND AY ANG PAGSAILALIM NITO SA SEX REHAB SA HATTIESBURG , MISSISSIPPI KUNG SAAN BINIBISITA SIYA NG KANYANG MISIS NA SI ELIN NORDEGREN.