MALACANANG HUMILING NG PATAS NA ATENSIYON NG MEDIA PARA SA MGA KANDIDATO SA PAGKA PANGULO NG BANSA

1. MALACANANG HUMILING NG PATAS NA ATENSIYON NG MEDIA PARA SA MGA KANDIDATO SA PAGKA PANGULO NG BANSA

NAGPARAMDAM ANG MALACAÑANG SA UMANO’Y MALIIT NA MEDIA ATTENTION NA IBINIBIGAY SA KANILANG MANOK NA SI GILBERT TEODORO.

SINABI NI EXECUTIVE SECRETARY EDUARDO ERMITA NA NAGIGING PRANGKA LAMANG ITO SA PAGSASABI NG KANYANG SENTIMYENTO BILANG OPISYAL NG LAKAS-KAMPI-CMD.

AYON KAY ERMITA, HINDI MAN LANG NABIBIGYAN NG KAHALAGAHAN O MAGANDANG ISTORYA ANG MGA MAGAGANDANG NAGAWA NI TEODORO SA MGA DEBATE.

KUNG SINA SENADOR NOYNOY AQUINO AT SENADOR MANUEL VILLAR ANG SUMALI UMANO SA DEBATE, LAGI SILANG NASA FRONT PAGE HABANG INSIDE STORY LAMANG ANG KAY GIBO.


2. FIRST GENTLEMAN AT PANGULONG GMA: MAG-INVEST SA HEALTH CARE, RESEARCH KONTRA AUTISM

NANAWAGAN ANG MAG-ASAWANG PANGULONG GLORIA ARROYO AT FIRST GENTLEMAN MIKE ARROYO NG HIGIT NA SUPORTA AT PANG-UNAWA SA AUTISM DISORDER.

GINAWA NG MAG-ASAWANG ARROYO ANG APELA KASABAY NG PAGBUBUKAS NG INTERNATIONAL AUTISM CONFERENCE SA PASAY CITY.

SINABI NI ATTY. ARROYO NA UMAASA ITONG SA PAMAMAGITAN NG PAGTITIPON AY MAS MAUUNAWAAN ANG NASABING KAPANSANAN UPANG MAGING MAS MAGAAN ANG EPEKTO NITO.

SAMANTALA, HINIKAYAT NI PANGULONG ARROYO ANG MGA MAMUMUHUNAN NA MAGLAGAK DIN NG KAPITAL SA HEALTH CARE LALO NA SA RESEARCH NG GAMOT AT PAGLABAN SA AUTISM.

3. MATAAS NA NPA LEADER NA MAY DALAWA PUNTO ANIM NA MILYONG PISONG PATONG SA ULO, NAHULI SA ZAMBOANGA DEL NORTE

ARESTADO ANG ISANG MATAAS NA OPISYAL NG NEW PEOPLE'S ARMY NA MAY PATONG SA ULO NA DALAWA PUNTO ANIM NA MILYONG PISO SA ZAMBOANGA DEL NORTE.

KINILALA NI WESTERN MINDANAO COMMAND PUBLIC INFORMATION OFFICER LT. STEPHANIE CACHO ANG SUSPEK NA SI MARIA LUISA PURKRAY ALYAS BIOL, SECRETARY NG NORTH CENTRAL MINDANAO REGIONAL PARTY COMMITTEE.

NAARESTO SI PURKRAY SA BARANGAY DIKAYO, KATIPUNAN, ZAMBOANGA DEL NORTE KUNG SAAN NAKUHA SA KANYA ANG ISANG HAND GRENADE AT MAHAHALAGANG DOKUMENTO.

MALIBAN PA KAY PURKRAY, NAARESTO DIN ANG MEDICAL STAFF OFFICER NG WESTERN MINDANAO REGIONAL PARTY COMMITTEE NA SI ALLEN SOLIS.


4. IMPORTASYON NG ASUKAL, PINAHINTULUTAN NG MALACANANG

INILABAS NG MALACAÑANG ANG ISANG KAUTUSAN NA NAGBIBIGAY PAHINTULOT SA IMPORTASYON NG ASUKAL.

ITO AY SA PATULOY NA PAGTAAS SA PRESYO NG ASUKAL DAHIL SA MATAAS NA DEMAND AT KINUKULANG UMANONG SUPPLY.

SA ILALIM NG NATURANG KAUTUSAN, BINIBIGYAN NI PANGULONG ARROYO NG KAPANGYARIHAN ANG NATIONAL FOOD AUTHORITY NA MAG-ANGKAT SA LAYUNING MAPATATAG ANG SUPPLY AT PRESYO NG ASUKAL SA BANSA.

OTORISADO RIN ANG NFA NA MAGPATAW NG SERVICE FEE SA GAGAWING IMPORTASYON NG PRIVATE SECTOR HABANG ANG DEPARTMENT OF AGRICULTURE AT DTI ANG BAHALANG MAGDIKTA KUNG GAANO KARAMI ANG AANGKATING ASUKAL HANGGANG KATAPUSAN NG TAON.


5. PASAPORTE NI PING , IPINAKAKANSELA!

TINIYAK NG DEPARTMENT OF JUSTICE NA GAGAWIN NILA ANG LAHAT NG PARAAN PARA MAHABOL SI SENADOR PANFILO ‘PING’ LACSON AT MAPANAGOT SA DACER-CORBITO DOUBLE MURDER CASE KAHIT UMABOT PA SA PUNTONG KAILANGANING KANSELAHIN ANG PASAPORTE NITO.

HINAMON NI JUSTICE SECRETARY AGNES DEVANADERA ANG SENADOR NA MATAPANG NA HARAPIN ANG AKUSASYON LABAN SA KANYA, KUNG TUNAY ITONG HINDI NAGKASALA.

AYON KAY DEVANADERA SA KASALUKUYAN AY WALA PANG GINAGAWANG HAKBANG ANG DOJ MATAPOS MAKUMPIRMA NA NASA AUSTRALIA NA ANG SENADOR MATAPOS ITONG LUMIPAD NOONG ENERO 5 PATUNGONG HONG KONG.

SAKALING HINDI UMANO UMUWI NG BANSA ANG SENADOR AT MAS PILIIN NA TALIKURAN ANG KASO AT MANATILI SA IBANG BANSA AY NAKAHANDA NAMAN ANG AHENSYA NA GUMAWA NG KINAKAILANGANG HAKBANG UPANG MAPABALIK ITO SA BANSA.

PANGASINAN CONGRESSMAN COJUANGCO, NA-HIGH BLOOD SA SESYON NG KAMARA

1. PANGASINAN CONGRESSMAN COJUANGCO, NA-HIGH BLOOD SA SESYON NG KAMARA

TUMAAS ANG PRESYON NG DUGO NI PANGASINAN CONGRESSMAN MARK COJUANGCO, ANAK NI BUSINESS TYCOON DANDING COJUANGCO HABANG MAY SESYON SA KAMARA.

SA KASAGSAGAN NG TENSYON, NAHILO AT NAPAUPO SI COJUANGCO KAYA PANSAMANTALA ITONG NAGPAHINGA AT PINAYPAYAN NG MGA KAPWA MAMBABATAS.

NAUNA RITO, KINUWESTYON NG NATURANG MAMBABATAS ANG PAG-ADJOURN NG SESYON GAYUNG SAPAT NAMAN UMANO ANG BILANG NG MGA KONGRESISTA.

HINAHABOL KASI NI COJUANGCO NA MATALAKAY ANG KANYANG PANUKALANG BATAS TUNGKOL SA REHABILITASYON NG BATAAN NUCLEAR POWER PLANT.

2. DALAWANG MOST WANTED SA CENTRAL LUZON, BUMAGSAK SA KAMAY NG MGA OTORIDAD

NALAMBAT NG MGA OTORIDAD ANG DALAWANG ITINUTURING NA MOST WANTED SA CENTRAL LUZON MATAPOS MAARESTO ANG MGA ITO SA BARANGAY PANGINAY SA BAYAN NG BALAGTAS LALAWIGAN NG BULACAN.

KINILALA NI CENTRAL LUZON POLICE DIRECTOR CHIEF SUPERINTENDENT LEONILO DELA CRUZ ANG MGA NAARESTO NA SINA JOAQUIN SANTOS AT BLANCAFLOR PARADERO VILLAREAL NA PAREHONG NASA LISTAHAN NG MGA PUSAKAL NA KRIMINAL.

KAPWA MAY PATONG SA ULO ANG DALAWA NG HALAGANG PITONGPUT LIMANG LIBONG PISO.

AYON SA MGA OTORIDAD ISINAGAWA ANG NATURANG PAG ARESTO SA MGA SUSPEK SA BISA NG ISANG WARRANT OF ARREST NA INILABAS NI JUDGE RAMOS CAGUIOA NG OLONGAPO REGIONAL TRIAL COURT DAHIL NA RIN SA PATONG PATONG KASONG KINAKAHARAP.


3. PAGDAMI NG MAYROONG HIV-AIDS SA MGA CALL CENTER AGENTS, BANTA SA PAGLAGO NG NATURANG INDUSTRIYA

INAMIN NG MALACAÑANG NA NAKABABAHALA ANG RESULTA NG ISANG PAG-AARAL NA NAGSABING KARAMIHAN NG MGA MAYROONG HIV-AIDS AY MGA NAGTATRABAHO SA MGA CALL CENTERS.

AYON SA PAG AARAL NG KAGAWARAN NG KAULUSUGAN, MADALI UMANONG TABLAN NG NATURANG SAKIT ANG MGA CALL CENTER AGENST DAHIL NA RIN SA URI AT ORAS NG KANILANG TRABAHO.

SINABI NI EXECUTIVE SECRETARY EDUARDO ERMITA NA DAPAT NA MASUSING MAIMBESTIGAHAN ANG ULAT UKOL DITO DAHIL TIYAK ITONG MAKAKAAPEKTO SA PAPALAKAS NA INDUSTRIYA NG BANSA.

MAGUGUNITANG PATULOY SA PAGLAGO ANG BUSINESS PROCESSING OUTSOURCING SECTOR SA BANSA KUNG SAAN KALAHATING MILYON NA ANG NALILIKHA NITONG TRABAHO.


4. ASSOCIATE JUSTICE RENATO GUSTONG MAGING PUNONG MAHISTRADO NG KORTE SUPREMA

TINANINGAN NA HANGGANG HUWEBES ANG PAGTANGGAP NG MGA APLIKANTE O NOMINASYON SA MGA GUSTONG MAGING PUNONG MAHISTADO NG KORTE SUPREMA NA PAPALIT SA MAGRERETIRONG SI CHIEF JUSTICE REYNATO PUNO.

SI PUNO AY NAKATAKDANG MAGRETIRO SA DARATING NA MAYO A-DISI SIYETE, KUNG SAAN UMABOT NA ITO HUSTONG GULANG NA PAGRERETIRO.

KAUGNAY NITO, TINANGGAP NA RIN NI SUPREME COURT SENIOR ASSOCIATE JUSTICE RENATO CORONA ANG NOMINASYON NG JUDICIAL AND BAR COUNCIL PARA SUMUNOD NA BAGONG PUNONG MAHISTRADO NG KATAAS-TAASAHANG HUKUMAN.

INIHAYAG NI CORONA ANG KANYANG KAGUSTUHAN SA PAMAMAGITAN NG ISANG LIHAM SA JBC.

MATATANDAANG NITONG MGA NAGDAANG MGA ARAW AY NAGING MAINIT ANG USAPIN SA PAGTATALAGA NG PANGULO SA SUSUNOD NA PUNONG MAHISTRADO DAHIL SA USAPING LEGAL.


5. BOTOHAN SA KONTROBERSIYA NG C-5 ROAD PROJECT, 'DI NATULOY DAHIL SA QUORUM

SAMPUNG KASAMAHAN NI SENADOR MANUEL VILLAR ANG NAGSALBA LABAN SA COMMITTEE REPORT NA NAG-DIIN SA KANIYA SA KONTROBERSYAL NA C-5 ROAD PROJECT.

BINATIKOS NAMAN NI SENATE PRESIDENT JUAN PONCE ENRILE SI VILLAR NA UMANO'Y NASA LIKOD NG HINDI PAGSIPOT NG SAMPUNG MGA TINUTURING NA KAKAMPI NITO SA HULING ARAW NG SESYON SA PLENARYO NG SENADO.

NAKATAKDA SANANG TALAKAYIN AT PAGBOTOHAN SA PLENARYO ANG REPORT NG SENATE COMMITTEE OF THE WHOLE HINDI NATULOY DAHIL SA KAKULANGAN NG SAPAT NA BILANG NG MGA SENADOR.

HINDI NAMAN NAITAGO NG MGA DUMALONG SENADOR ANG KANILANG PAGKADISMAYA SA HINDI PAGSIPOT NG MGA KASAMAHAN.

MARJORIE SAMBO MORALES, NAGREKLAMO SA MALA-MARTIAL LAW NA PAGTRATO SA KANIYA

1. MARJORIE SAMBO MORALES, NAGREKLAMO SA MALA-MARTIAL LAW NA PAGTRATO SA KANIYA

UMALMA SI MARJORIE SAMBO MORALES KANDIDATO SA PAGKA ALKALDE SA BAYAN NG MABALACAT, AT KALABAN NG KANIYANG SARILING AMA NA SI MABALACAT MAYOR MARINO BOKING MORALES SA MALA-MARTIAL LAW NA PAGTRATO UMANO SA KANIYA NG MGA OTORIDAD SA NATURANG BAYAN.

NAG UGAT ANG USAPIN NG TANGGALIN NG MUNICIPAL TRAFFIC GROUP ANG KANIYANG MGA ANUNSIYO SA MGA PANGUNAHING LANSANGAN. HINDI RIN UMANO PINALIGTAS MAGING ANG MGA NAKALAGAY SA MGA PRIBADONG BAHAY NG KANIYANG MGA TAGA SUPORTA.

AYON KAY MARJORIE SIGURADO SIYANG MAYROON PROMOTOR SA PANGGIGIPIT NA NARARANASAN NIYA AT MAGING NG KANIYANG MGA TAGA SUPORTA NGAYON.

NAGTATAKA LANG SI MARJORIE KUNG BAKIT, ANG KANIYANG MGA POSTERS LAMANG ANG PINAG-IINITAN SAMANTALANG NAGKALAT PARIN ANG MGA KARATULA NG MGA KATUNGGALI NIYA SA POSISYON SUBALIT HINDI NAMAN TINATANGGAL.


2. MILYONG MILYONG HALAGA NG PALAY AT GULAY, NASIRA NG EL NIÑO SA ISABELA

UMAABOT NA SA MAHIGIT NA KWARENTAY TRES MILYONG PISO ANG HALAGA NG MGA NAPINSALANG TANIM NA PALAY AT GULAY SA IBA'T IBANG BAYAN SA ISABELA DAHIL SA EPEKTO NG TAGTUYOT BUNGA NG EL NIÑO PHENOMENON.

MULA SA 132,674 EKTARYA NG PALAYAN AY 2,574 NA RITO ANG APEKTADO.

ANG BILANG NG MGA APEKTADONG MAGSASAKA AY UMABOT NASA 1,716 MULA SA MGA BAYAN NG SAN PABLO , NAGUILIAN AT ILAGAN, ISABELA.

MAS MATINDI RIN ANG PINSALANG DULOT NG TAGTUYOT SA MGA TANIM NA MAIS DAHIL UMABOT NA SA MAHIGIT P400 MILLION ANG HALAGA NG MGA NAPINSALA.

MALINAW NA EPEKTO ITO NG PAG-IIBA NG KLIMA NA DAPAT SAMA-SAMANG PAGTUUNAN NG PANSIN NG PUBLIKO.

SAMANTALA, SINABI NI PROVINCIAL AGRICULTURIST DANILO TUMAMAO NG KAGAWARAN NG PAGSASAKA NA HINDI PA GAANONG APEKTADO ANG MALAWAK NA PALAYAN SA ISABELA DAHIL MAYROON PANG DUMADALOY NA TUBIG MULA SA MAGAT DAM IRRIGATION SYSTEM.


3. GOBERNOR EDDIE PANLILIO, HANDANG IBIGAY ANG SAMPUNG LIBONG BONUS, KUNG HINDI SIYA IDI-DEMANDA NG SANGGUNIANG PANLALAWIGAN

HUMINGI NG GARANTIYA SI PAMPANGA GOVERNOR EDDIE PANLILIO NA HINDI SIYA IHAHABLA SAKALING IBIGAY NA NIYA ANG SAMPUNG LIBONG PISONG BONUS NG MGA EMPLEYADO NG KAPITOLYO NA DAPAT SANA’Y NOONG DISYEMBRE PA IBINIGAY.

NAIS NI PANLILIO NA PUMIRMA SA ISANG KASUNDUAN ANG MGA MIYEMBRO NG UNYON UPANG MATIYAK NA HINDI SIYA MALALAGAY SA BALAG NG ALANGANIN SAKALING IPAGPALOOB NIYA ANG NATURANG BONUS.

NAGPAHAYAG NAMAN NG KAHANDAAN ANG MGA MANGGAGAWA NA MAKIPAGTULUNGAN SA GOBERNADOR SA GINANAP NG PAGPUPULONG NG MAGKABILANG PANIG UKOL SA USAPIN NG BONUS.

SAMANTALA, NAPAG ALAMANG HINDI NAMAN UMANO SANG AYON ANG PRESIDENTE NG UNYON NA SI REMIGIO CAPUCHINO NA SAMPUNG PISO LAMANG ANG MATATANGGAP NA BONUS NG MGA EMPLEYADO.


4. PAGKALAT NG PEKENG PERA NGAYONG CAMPAIGN PERIOD, IBINABALA NG BANGKO SENTRAL NG PILIPINAS

NAGBABALA SA PUBLIKO ANG BANGKO SENTRAL NG PILIPINAS O BSP SA PAGKALAT NG MGA PEKENG PERA NGAYONG NALALAPIT NA ANG HALALAN.

AYON KAY MARLENE PAJE NG BSP, BATAY NA RIN SA KANILANG KARANASAN NITONG NAKALIPAS NA MGA HALALAN, KAMPANYA PA LAMANG AY KALAT NA ANG MGA PEKENG PERA NA NAKIKIPAGSABAYAN UMANO SA IBINIBIGAY NA PERA NG MGA KANDIDATO.

BINIGYANG DIIN NI PAJE NA SA MGA GANITONG SITWASYON NA MARAMING PERA ANG INILALABAS, KAILANGANG MAGING ALERTO ANG PUBLIKO UPANG HINDI MAGING BIKTIMA.


5. SAPAT NG SUPPLY NG SEMENTO SA PAMPANGA, TINIYAK NG DEPARTMENT OF TRADE AND INDUSTRY!

TINIYAK NG DEPARTMENT OF TRADE AND INDUSTRY SA PUBLIKO NA SAPAT ANG SUPPLY NG SEMENTO SA LALAWIGAN NG PAMPANGA AT HINDI NA MAUULIT ANG NANGYARING KAKULANGAN NITO NOONG NAGDAANG BUWAN NG DISYEMBRE.

AYON KAY DTI OFFICER IN CHARGE LEONILA BALUYUT NAKA-APEKTO SA SUPPLY NG SEMENTO SA LALAWIGAN ANG GINAWANG PAGKUMPUNI SA MGA PANGUNAHING FACTORY SA NORTH AT CENTRAL LUZON .

SINABI PA NI BALUYUT NA PWEDI NILANG KONTROLIN SA NGAYON ANG PRESYO NG SEMENTO DAHIL SAPAT ANG SUPPLY NITO.

IDINAGDAG PA NI BALUYOT NA HINDI DAPAT LUMAMPAS SA DALAWANG DAAN AT LIMANG PISO ANG HALAGA NG SEMENTO KADA BAG NITO SA MGA PAMILIHAN.

Kooperatiba sa floridablanca tumanggap ng tulong pinasiyal

Tuwang tuwa ang may labing limang miyembro ng aku ing bayung entreprenyur – kapampangan ng pagkalooban ng tulong pinansiyal ng provincial government sa pamamagitan ng provincial cooperative and entreprenuerial development office o pcedo

Uumabot sa mahigit na isa punto tatlo milyong piso ang ibinigay na pautang ng lalawigan sa mga miyembro na gagamitin para makapagsimula ng negosyo.

Ipinaliwanag pcedo chief mamerto gatus, na ang nasabing hakbang ay naglalayong masuportahan at mapaunlad ang malilit na negosyante sa pamamagitan ng pagbibigay ng panibagong puhunan sa mga ito.

Kaugnay nito, sinabi ni floridablanca mayor eduardo guerero na malaking tulong ang ginawang ito ng lalawigan hindi lamang sa mga miyembro ng kooperatiba kungdi maging sa ekonomiya ng kaniyang bayan.

Labanang noynoy at villar sa 2010 tumitindi!

Lalung tumitindi ang labanan nina senador benigno “noynoy” aquino iii ng liberal¬ party at senador manny villar ng nacionalista party sa halalang pam¬panguluhan sa mayo.

Ayon sa survey na isinagawa mula disyembre 12 hanggang 19, sa
may 7,000 respondents na tinanong, 45.7 percent ang pumili kay aquino at 24.6 percent naman kay villar.

Nasa pangatlong puwesto naman si dating pangulong joseph “erap” estrada na nakakuha ng 17.7 percent, at sinundan siya nina gilbert “gibo” teodoro na may 5.7 percent , bro. eddie villanueva
na may 1.5 percent, at sen. richard “dick” gordon na nakakuha lang ng 1.3 percent.

Ipinapakita ng survey ang patuloy na pagdikit ni villar kay aquino mula nang palitan ng huli si senador mar roxas na maging standard bearer ng lp noong setyembre.

OFW na biktima ng mistaken identity na troma!

Isasailalim sa stress debriefing ang welder na si jayson aguilar, ang ofw na pina-deport mula sa qatar makaraang mapagkamalan na siya si jayson ivler na sangkot sa isang krimen.

Ayon kay mario antonio ng repatriation division ng overseas workers welfare administration layunin nitong maka-recover si aguilar mula sa masaklap na karanasan.

Matatandaang una ng inihayag ng pinoy worker na pitong araw siyang ikinulong sa isang detention facility sa qatar at pitong araw ding hindi nakapaligo o nakapag-toothbrush man lang dahil sa higpit ng mga bantay.

Sa panayam kay aguilar, ayaw na umano nitong umalis ng bansa dahil sa nasabing pangyayari na nagbigay sa kaniya ng trauma.

Humingi na rin ng paumanhin ang pamilya ng napaslang na si renato ebarle jr., dahil sa pagkaka-deport ni aguilar gayung hindi naman ito ang hinahanap ng batas.

Pinaghihinalaang carnaper arestado sa mabalacat!

Bumagsak sa kamay ng mga otoridad ang limang pinaghihinalaang carnaper matapos maaresto ang mga ito sa barangay dau sa bayan mabalacat.

Kinilala ang mga suspek na sina, jayson cajala, marlon majia, jimmy moneva, at dalawang minor de edad hindi pinangalannan ng kapulisan.

Ayon sa mga pulis, sangkot umano ang mga naturang suspek sa pagnanakaw ng isang tricycle na pagmamay-ari ni adorable dela pena ng barangay dau.

Nahaharap naman ang mga suspek sa kasong carnapping habang ibinigay sa pangangalaga ng departmen of social welfare and development ang dalawang minor de edad.